2004-09-11
東龍大飯店 → 好味道排骨大王 → 書店街 → Check Out & 寄存行李 → 鴨肉扁 → 雪王冰淇淋 → 紅樓 → 誠品 116 → 萬年 → 老董牛肉麵 → 生活工場 → 老天祿 → 楊記 → 機場
朝早起身梳洗後，我地就出發去食早餐啦，因為今日係最後一日，所以當然唔食酒店早餐啦，廢事浪費 Quota，我地去左梁望峰推介既 "好味道排骨大王" 買早餐，雖然話係西門町，其實就係台北車站同西門站既中間，不過又唔算難搵，行左一陣就到啦！到左之後，我就攞相機出黎影相啦，但係唔知係咪溫差既問題，相機個鏡頭越黎越濛，重要係內鏡果度濛，無辦法抹到，可能呢幾日都落雨，部機濕氣好重卦，唯有影張濛過沙龍既排骨麵相後，就拿拿臨開餐。
店名：好味道排骨大王
地址：萬華區武昌街一段11號
|
|
|
ＰＰ評分：4.0
ＤＤ評分：3.5
平均評分：3.75 |
食飽飽之後，我地就去返書局街，買返尋日未買既書，全部都係 DD 既（我無份呀 >o< 因為時間關係，無時間慢慢睇）。
買完之後，我地就行返酒店，本來諗住經過雪王食杯雪糕先，點知佢重未開檔，唯有返酒店執好行李，跟住就離開我地住左三晚既房間，落去 Reception Check-Out，之後就寄存埋 D 行李（好攪笑，佢地用 D 網圍住 D 行李）。
跟住我地就行返出去鴨肉扁食 Lunch，佢地既叫法同旅遊書所講又唔同喎，係分開麵同埋鵝肉叫既，我聽左幾次先明佢講乜 XD
店名：鴨肉扁
地址：萬華區武昌街二段2號
|
|
|
ＰＰ評分：3.5
ＤＤ評分：3.5
平均評分：3.5 |
 |
|
ＰＰ評分：3.0
ＤＤ評分：4.0
平均評分：3.5 |
食飽飽之後，我地就比多一次機會雪王，皇天不負有心人，佢終於都開檔啦，入面有一 D 好古老既機器，呢間舖頭出名之處，就係有 73 種不同口味既雪糕，有 D 真係好得意，不過我地就叫左兩杯招牌既雪糕黎食，分別係大紅豆味同埋西瓜味。
店名：雪王冰淇淋
地址：萬華區武昌街一段65號
|
|
|
ＰＰ評分：4.5
ＤＤ評分：4.0
平均評分：4.25 |
 |
|
ＰＰ評分：4.0
ＤＤ評分：4.0
平均評分：4.0 |
食飽飽，當然要行返陣啦。首先行左去西門地下街，不過完全無野行既，只係一 D 臨時賣書既舖頭，好似係幫某機構籌款。
我地再去多次紅樓，因為尋晚只係係度影左張相，今日就入去參觀，原來入面一面 Coffee Shop，一面就係呃遊客錢既紀念品館，我地都買左兩張可以摺成公仔既咭紙(NT$25)，因為好似好得意同埋又唔算好貴。
行完之後，我地就去左對面既誠品 116 行，但係好似無乜野好行，結果入左去一陣就出返黎啦，反而係地下一間叫”原堂本家”度發現有芝士泡芙，所以就買左一舊黎試，點知... 以後都係唔試一 D 以 "原" 字頭既舖頭 >o<
店名：京殿（原堂本家）
地址：誠品116商場地下
|
|
|
ＰＰ評分：3.0
ＤＤ評分：3.0
平均評分：3.0 |
店名：天仁茗茶
地址：台北市衡陽路62號
|
|
|
ＰＰ評分：3.0
ＤＤ評分：4.0
平均評分：3.5 |
行完誠品 116，又去左萬年果度行，雖然外表殘舊，但係入面一 D 都唔 Out，就好似入左旺角既潮流特區咁，但係都係得個行字，空手而回。
之後，我地就行左去世運麵包，佢有好多不同種類既麵包，不過我地最後都無買黎試，因為重要留肚食其他野！
跟住我地就去左老董牛肉麵食返碗牛肉麵，本來我想去桃園街食（因為聽人講好似話幾好食，但係又唔知邊間好，所以無去到），呢間野對香港人黎講好鬼親切，當然唔係董伯伯開架啦，不過呢間係唯一一間自動自覺比碗仔我地既舖頭（因為我地只叫左一碗牛肉麵），值得一讚。
店名：老董牛肉細粉麵店
地址：台北市萬華區昆明街140號
|
|
|
ＰＰ評分：3.0
ＤＤ評分：3.5
平均評分：3.25 |
食完之後，我地就迷左路，不過又比我地誤打誤撞去左頂好超巿，DD 最後都忍唔住手買左包粉（花生粉 XD）返香港（好彩海關無開黎睇，唔係就唔駛用啦 :P）。
之後，我同 DD 對於點樣行返出去又持不同意見，不過我都聽 DD 話，跟住佢講咁行，又真係比佢搵到我地下一個目的地－生活工場喎！呢間野係台灣版既無印良品，價錢又唔似無印咁無良，所以 DD 係入面都買左個蛋糕模，開開心心咁離開 :P
跟住我地又經過一間叫"哈日龍"既商店，佢有好多部夾公仔既機，DD 話隻河童好得意，咁我就懶勁咁話夾比佢，因為都唔貴，只係 NT$10 一次，不過... 差少少先成功，之後 DD 再試，都係... 差少少先成功，所以我地既結論係：部機搵笨架!!!!!
玩完之後，我地就去左一間叫艾菲爾既舖頭買可麗餅食（原來 DD 想係獅子林果頭買，但係搵極都搵唔到），影影下相，張 1GB 既 Compact Flash 終於都比我地影爆左啦 XD
店名：艾菲爾法式可麗餅
地址：台北市萬華區中華路一段114巷4之42號
|
|
|
ＰＰ評分：3.0
ＤＤ評分：4.0
平均評分：3.5 |
食完之後，DD 就去左屈臣氏買左 D 護膚品同面膜，因為比香港平很多喎（又無我份啦 :P）
時間巳經唔早，我地就去埋老天祿買鴨舌自己食加做埋手信。
店名：老天祿
地址：台北市萬華區武昌街二段55號
|
|
|
ＰＰ評分：3.5
ＤＤ評分：2.0
平均評分：2.75 |
再去酒店斜對面既楊記食埋花生玉米冰（重係果度食左條鴨舌 tim :P）
店名：楊記
地址：台北市萬華區漢口街二段38號
|
|
|
ＰＰ評分：4.0
ＤＤ評分：4.0
平均評分：4.0
ＰＰ評分：3.0
ＤＤ評分：4.0
平均評分：3.5
|
跟住就返酒店攞行李，行返去西門站搭捷運。
我地途經見到地瓜球，重比基隆平 NT$10，而且重要係熱辣辣架，所以我地就買左企係捷運出口果度食。
店名：祖傳地瓜球
地址：西門町街頭
|
|
|
ＰＰ評分：4.0
ＤＤ評分：4.5
平均評分：4.25 |
食完就搭捷運去台北車站，我地重將由西門站去台北車站既過程錄低左 tim ^^
去到台北車站，我地再次搵 MOS，但係搵左好耐，原來我地兜左一個大圈，本來係捷運國光客運西站果個出口就係，不過因為我地要去客戶服務中心退返張悠遊咭攞返按金同剩額，所以就行左另外一面，令拖住行李既我地行左好耐先再次搵到 MOS >o<
係 MOS，我地今次再買好味既珍珠牛肉堡同埋一 D 時令既小食，都係即刻整既關係，又要等一等！
店名：MOS 摩斯漢堡
地址：台北巿忠孝西路1段49號B1 (台北捷運車站誠品商場)
|
|
|
ＰＰ評分：4.0
ＤＤ評分：4.0
平均評分：4.0 |
 |
|
ＰＰ評分：3.5
ＤＤ評分：4.0
平均評分：3.75 |
 |
|
ＰＰ評分：3.5
ＤＤ評分：3.5
平均評分：3.5 |
因為得一杯汽水，所以我就去左對面既萊爾富買左支雀巢冰極檸檬茶 NT$20。
之後就跟住指示牌搵國光客運，我又再次老點左 DD，因為 DD 話記得係機場果時，果個嬸嬸話係國光東站上車，但係偏偏個觀光護照又寫國光西站上車，最後我地都去左國光西站，但係最攞命既問題黎啦！原來係地下街果度上去國光車站係無 Lift 架，一條長樓梯，嘩... 我地攞住超重既行李，好不容易先行到上去，之後先發現原來個站係東站，當我地行到去東站門口，見有一個站長形狀既物體企係度，就問佢係邊度搭，點知原來佢係的士司機，重問我搭唔搭的士 tim >o< 我無理佢，行入去車站，發現超多人，嚇左我一跳，原來果 D 人係去基隆既（後尾諗返先記得好似有幾個火車站因為大雨浸左，可能 D 人無得搭火車去基隆，唯有搭公車啦），反而去機場就無乜人。我地再次用觀光護照既優惠券，只需 NT$105 一位就可以舒舒服服去機場，而上車之前，司機問我地搭邊間航空公司既客機，因為有兩個 Terminal 既，我地搭日本亞細亞就係 Terminal 1 啦！
上車之後，發現時間巳經不早，都幾驚趕唔切 Check-In，不過都唔理咁多，慢慢享受我地既 MOS 晚餐！
搭左唔夠一個鐘，我地就到達中正機場啦！到達機場，我地就將早前攞左既 Postcard 放落郵箱（心想係機場寄會快 D 收到 XD）！
之後就行去 Check-In 啦，點知發現 JAA 既 Counter 係中華航空既 Staff 黎 serve 既，唔... 心諗，唔好卦，唔係要我地搭中華呀，之後睇到班機無 Cancel 到先至無咁驚！
之後，我地就上左一層坐左一陣休息下影下相。
跟住就出境啦，我同 DD 各排一條隊，唔知點解 DD 果條特別慢，所以我就可以係入面影返 DD 過關個樣啦 XD
之後，我地去到離境大樓，就打電話返香港比屋企人，但係我媽咪上左大陸漫遊中，所以無聽我電話 >o<
跟住我地就搵返我地架機個閘口，坐定定等登機啦！
上機之後，當然我地又影影影啦，重搵左個空姐幫我地影相，影完之後，我地就乖乖地熄機等起飛。因為機場下起大雨，我地等左好耐先起飛，係呢個時候，我地發現左面果度有人開住 DC （重要係兩部）係度拍 Movie（我諗佢想拍飛機起飛），但係係天氣咁唔好既情況下都唔聽指示，係起飛時使用電子器材，我覺得佢地完全妄顧成架機既安全囉，雖然話影響應該唔大，但係我覺得佢地好自私囉（人人都想影啦，包括我在內，但係為左飛機乘客既安全，我覺得唔應該咁做囉），不過我都無話佢地，因為太遠啦，而空姐又唔知道），好彩飛機最後都安全起飛。而飛機係起飛時，亦都唔知乜野原因（國語又聽唔明，英文又唔知佢講乜），要將全架機既燈光熄掉，只係剩返微弱既光線。
安全帶燈熄掉後，所有燈都著返哂啦，因為又係時間食飛機餐同影相，不過外面太黑啦，所以乜都影唔到，而飛機餐都無乜驚喜，同去台北果程一樣，只係去程係曲奇餅，返香港就係一個撻。
飛機好快就進入左香港上空，又係時間準備降落，而果班女仔又係度影啦 ~o~ （我地發現佢地只會係唔比用 DC 既時候先影 >o<），好彩最後都安全降落。
到達香港國際機場，我地就再次乘搭無人駕駛列車，之後再去入境同過關，結束我地呢個五天之旅。
|
