2004-09-09
東龍大飯店 → 十分（十分老街、靜安吊橋、十分瀑布）→ 九份 → 基隆（廟口小吃、李鵠餅店）→ 西門町夜市 → 東龍大飯店
今日好早就起床，因為我地要搭 0833 既火車去瑞芳，梳洗之後，我地就行去西門站搭捷運去台北車站。
去到台北車站，我地就開始尋找 MOS 做我地既早餐，但係因為台北車站太大啦，上上落落咁，好彩最後都比 DD 搵到，因為佢地係即叫即做既，所以重要再等多一陣先有得。
店名：MOS 摩斯漢堡
地址：台北巿忠孝西路1段49號B1 (台北捷運車站誠品商場)
|
|
|
ＰＰ評分：4.0
ＤＤ評分：4.0
平均評分：4.0 |
|
|
ＰＰ評分：3.5
ＤＤ評分：3.5
平均評分：3.5 |
之後，我地就去搵月台，今次比較易搵，因為可以係 D 電視度睇到係邊個月台上車，去到月台，見架車未黎，我地就影左 D 相啦！
上車之後，等左一陣就開車啦，自強號列車係台灣黎講係最新最快（停最少站）既火車，所以價格會較貴，由台北去瑞芳就需要 NT$80，不過架車都好舒服，我地就係架火車度享受我地既 MOS 早餐啦 ^^
到達瑞芳之後，我就行左去站長室問下係邊度蓋張平溪線一日遊車票既印，站長講完我聽邊度蓋之後，就問我”你從那裏來的？”，我就答佢”香港”，佢就笑笑口啦 >o< 我都知我 D 國語.........
蓋完印之後，重有十零分鐘先有車，我地就係火車站周圍影相啦 ^^
平溪線小火車黎啦，原來係復興號火車（係台灣，對號列車既級別係自強號＞莒光號＞復興號），雖然係咁，由於佢係觀光線既列車，所以都整得好靚喎 ^^
由瑞芳站出發，經過侯硐站、三貂嶺站同大華站之後，就到達十分站。
係十分車站落車後，我地就係車站周圍不斷影相。
之後就行過去靜安吊橋，聽說某台灣女歌手曾經係呢度拍 MTV，但係 DD 一上吊橋就有 DD 驚啦，因為佢話條橋不斷移動喎 :P
跟住我地就行返十分老街，呢度好特別，路軌兩邊都係民居，好似拍戲咁，但係因為火車班次比較疏（一小時先有一班），所以影唔到火車經過既相。
我地沿住十分老街一直向前走，向住有台灣尼加拉瓜瀑布之稱既十分大瀑布前進，而雨又慢慢地下起來，途中經過一個渡假村叫河灣渡假村，好得意喎！
係到達十分風景區之前，首先見到既，就係眼鏡洞瀑布，但係我就睇極都睇唔到副眼鏡係邊度喎 :P
睇完之後又要過吊橋啦，呢條吊橋係行人同火車共用既，我地行過之後，岩岩有火車經過，好難想像如果我地過緊吊橋而架火車又經過條橋會點，會唔會震到七彩呢？ XD
之後就去到十分風景管理站，因為呢度屬於私人地方（我諗極都唔明點解一個天然資源變左做私人地方而當地政府又唔收回土地），所以要比錢先可以入去，使用平溪線週遊卷只係需要 NT$100（原價為 NT$180），呢個亦都係我地比多少少錢買週遊卷既原因 ^^
入到去之後，我地首先係上游影左 D 相，但係太大風啦，D 水不斷吹過黎，攪到部相機都濕哂，我地為左更加真實地紀錄當時既情況，重拍埋 Movie tim ^^ 係上游睇落去，巳經好勁咁。
之後沿住條小路慢慢行落去，因為地下濕滑，而且又要穿過 D 石頭，好不容易先行到落去下游，係下游睇個瀑布就更加壯觀，不過下面重大水，好似落雨咁，不斷吹埋黎，不過既然一場黎到，我地都唔理部相機既死活，照影可也，但係因為背光，我一用光圈先決減慢個快門，就即刻 Over 哂，只怪我既攝影技術有限，所以唯有再拍 Movie 補數 ^^
睇完之後，我地就決定上返上面休息一下，但係自作聰明既我又老點左 DD 行上另一條睇落好似無咁難行既路，我地不斷向上行，發現我地距離入口處越黎越遠，所以我終於同 DD 講不如行返落去，行返原本果條路上返去（真係辛苦哂 DD 啦），返到去上游，我地搵左一個亭坐低休息下，而我坐左一陣又周圍影相啦 ^^
休息左一陣，當我肯定巳經無火車經過（因為我地將要行火車路軌），我地就離開十分風景管理站啦！
十分風景管理站位於十分站同大華站之間，如果選擇返回十分站，路程會較為遠，但係就唔需要行路軌，適合一 D 要求安全既人，至於行去大華站，路程比較短，但係就要全程行路軌，而且重要行入一個火車既山洞，雖然係入口係望到出口既，但係對於一些膽小既人黎講，呢個又真係一個考驗，不過我都早有準備，帶左一支電筒，點知入到去，外面既光比我支電筒還要光，向前照完全發揮唔到佢既功效，所以我地就向地下照，因為可以睇住條路黎行唔怕 PK ^^ 係我地差唔多行到出口既時候，我地重拍埋 Movie tim，不過事先聲明，呢段 Movie 可能令人情緒不安，家長應該陪同子女收看 XD 想知點解？睇下咪知囉 ^^
沿住路軌一直向前行，就可以到達大華站，不過我強烈建議大家一定要行係路軌入面或旁邊，千其唔好行離路軌太遠，我地就親眼見到一對台灣年輕情侶差 D 就跌左落個坑度！
到達大華站後，距離火車到達重有一段時間，所以我地就係度不斷影相啦，而呢個站最特別之處就係無站長無入閘機乜都無架，好似一個荒廢左既月台咁 ^^
上車之後，我地見無乜人，又 Set 個腳架影下相，開開心心咁就返到去瑞芳啦...
其實每次出閘，佢都會收返你張飛，不過我之前睇過人地既遊記，站長先生好好人既，果張一日遊票佢可以隻眼開隻眼閉唔收返既，我就鼓起勇氣，再次用我既”國語”問下佢可唔可以比我作為收藏，點知佢又真係肯喎，Yeah! 成功 :P
離開瑞芳火車站，我地就根據指示牌去搵往金瓜石既公車去九份，個公車站就係 Circle K 對面，我地見未有車就入去行下，不過突然間見到對面有車，可惜我地過到去既時候巳經開走左，不過原來後面重有一架車，而且重係吉車，所以上山既過程淨係得我地兩個坐，就好似坐的士咁，爽呀！
搭左二十分鐘度，就到達舊道口站啦！一落車，我地就去觀海亭睇下風景，不過都幾多人喎！
之後就去左街口既舊道口牛肉麵店食呢度出名既牛肉麵，呢度隔離左右都係香港人，反而唔多覺有台灣人喎！我重比一個中年香港男人打尖 tim，失禮呀 >o<
店名：九份老麵店
地址：九份基山街45號
|
|
|
ＰＰ評分：4.0
ＤＤ評分：4.0
平均評分：4.0 |
我被打尖既經過，重被 DD 影得一清二楚 >o< 請留意白衫者...
食完之後就行下九份老街影下相，跟住經過一度有得賣炸花枝丸，因為係淡水無試到，所以就係呢度試返，佢分炸 NT$10 同烤 NT$20，我地就緊係要炸啦，平一半喎 ^^
店名：九份現烤花枝
地址：九份基山街
|
|
|
ＰＰ評分：3.5
ＤＤ評分：4.0
平均評分：3.75 |
食完又繼續行，最後行到去基山街既盡頭係九份紅糟肉圓食紅糟肉圓，本來想買返香港自己整，但係驚唔識整兼且又無佢果 D 汁，所以都係坐低叫左一個食算數 :D
店名：九份紅糟肉圓
地址：九份基山街146號
|
|
|
ＰＰ評分：4.0
ＤＤ評分：4.0
平均評分：4.0 |
食完之後，係隔離有一個地方比人觀海，就過去睇左一陣...
跟住因為頭先食完肉圓個口有少少辣，我地就開始尋找阿柑姨芋圓，原來就係附近行上樓梯就可以到達，我地係門口買完野食，就通過一個好似屋企既通道去到食堂，好正好大喎，我重搵到個海景位坐，可以飽覽山下既景色，但係好景不常，突然間下起傾盤大雨，大到周圍全部白濛濛，乜野都睇唔到，唔好話山下既景色，就連前面果座山都消失左，我地食完芋圓，雨都無停過，重越落越大，我地等左好耐，見唔對路，最後都冒雨離開。
店名：阿柑姨芋圓
地址：九份豎崎路5號
|
|
|
ＰＰ評分：4.0
ＤＤ評分：4.0
平均評分：4.0 |
我地沿石級一直向下行，去到昇平戲院同悲情城巿影左幾張相，就決定盡快下山（因為我怕會有山泥傾瀉，到時落唔到山就麻煩啦！）！
點知一落到去就走左架公車，其實有兩架公車，一架去台北（總站係忠考復興站），而另一架係去基隆，因為我地要去基隆廟口小吃，所以就要搭後者，點知等左三架去台北既先有一架去基隆既公車，上車後只係得返一個位，當然比 DD 坐啦！
搭左大約一個鐘，終於到達基隆，我地係基隆港落車，諗住行去火車站睇下有冇火車返台北，點知去到又唔識睇，而且全部都係電車（版友話又慢又多人既），所以決定都係搭返公車，之後我地經過遊客服務中心，入去拎左一 D 介紹基隆既小冊子同埋免費既名信片，重順便係度交埋水費 tim XD
跟住我地就出發去廟口，沿途經過李鵠餅店，我地確定左佢個營業時間之後，就放心去廟口食野，返黎先買手信。
好快就行到去基隆廟口，呢度規劃得好好，左面係雙數既攤檔而右面就係單數既攤檔。我地就開始左呢個基隆廟口美食之旅啦！
店名：天婦羅
地址：仁三路16號攤位
|
|
|
ＰＰ評分：3.5
ＤＤ評分：4.0
平均評分：3.75 |
店名：邢記鼎邊趖
地址：仁三路27-1號攤位 (廟口前)
|
|
|
ＰＰ評分：3.0
ＤＤ評分：2.5
平均評分：2.75 |
店名：一口吃香腸
地址：仁三路43號攤位
|
|
|
ＰＰ評分：4.5
ＤＤ評分：5.0
平均評分：4.75 |
店名：營養三明治
地址：仁三路58號攤位
|
|
|
ＰＰ評分：3.5
ＤＤ評分：4.5
平均評分：4.0 |
店名：陳記老牌泡泡冰
地址：仁三路41號攤位
|
|
|
ＰＰ評分：5.0
ＤＤ評分：5.0
平均評分：5.0 |
係基隆廟口食完野之後，因為 DD 係網上見到有間賣紅豆餅又平又出名既舖頭，所以我地就去尋找啦！搵到之後，果個人重問我地係邊度人（可能我地既國語太容易出賣我地啦 XD）！
店名：萬丹紅豆餅
地址：仁二路和愛五路交叉口
|
|
|
ＰＰ評分：4.0
ＤＤ評分：3.5
平均評分：3.75
ＰＰ評分：3.5
ＤＤ評分：3.5
平均評分：3.5
|
食完之後，我地就行返去廟口果面，見到有個攤檔賣地瓜波波，DD 就好開心咁買黎食啦，不過唔熱既 >o< 我地見有少少口渴，就係度買左杯野飲，但係店員唔知我講乜，經過一輪指指點點，終於都買到啦 :P
店名：地瓜球
地址：基隆廟口附近
|
|
|
ＰＰ評分：3.0
ＤＤ評分：3.0
平均評分：3.0 |
店名：休閒小站
地址：基隆廟口附近
|
|
|
ＰＰ評分：3.0
ＤＤ評分：3.5
平均評分：3.25 |
之後我地就行返去李鵠餅店買鳳梨酥，呢度係全基隆最出名既（你問個個台灣人都識呢間，反而維格就無台灣人識），買完手信之後，就行返過火車站果頭尋找國光客運返台北，但係我又老點左 DD，兜左一個大圈，後尾我問左個台灣人先知道原來個站就係火車站同遊客服務中心中間果個商場入面，攪到我好唔好意思 tim（因為今日巳經點左 DD 兩次啦 >o<）
買完車票就排隊等車，係等車果時又發生左一件攪笑既小事，話說我地飲完杯野飲，諗住搵個地方掉左佢，我見地下有個黑色大既垃圾袋（DD按：人地果個都唔係垃圾袋），就諗住打開佢掉入去，點知有個台灣人拍拍我個膞頭，話個袋係佢既，嚇得我不斷說”對不起，對不起！”，之後上車收票時，我又比錯車票，攪到又比個司機鬧 >o< 好無用呀！
上車之後，我地就開始訓覺，因為架車會熄哂燈，方便大家訓覺，不過有對台灣女仔不斷係度吱吱喳喳，攪到我訓唔著覺，至於 DD？哈哈...
到達台北車站之後，我地就轉乘捷運返去酒店。
係酒店休息左一陣之後，我地就落去西門町搵野食啦 ^^
店名：阿宗麵線
地址：萬華區峨嵋街8之1號
|
|
|
ＰＰ評分：3.5
ＤＤ評分：3.5
平均評分：3.5
|
店名：口口鬆餅
地址：西門町夜巿（California 樓下）
|
|
|
ＰＰ評分：4.0
ＤＤ評分：4.5
平均評分：4.25 |
店名：北海小牛角
地址：西門町夜巿（口口鬆餅對面）
|
|
|
ＰＰ評分：4.0
ＤＤ評分：4.0
平均評分：4.0 |
店名：台北牛乳大王 (獅子林店)
地址：台北市西寧南路36之88號
|
|
|
ＰＰ評分：4.0
ＤＤ評分：4.0
平均評分：4.0 |
我地買完野食之後就拎返酒店慢慢食，食飽飽之後就沖涼訓覺豬啦 zzzZZZ...
|
