2004-09-08
春天酒店 Check-Out → 東龍大飯店 Check-In → 騎樓意大利麵舖 → 國父紀念館 → 誠品敦南店 → 度小月
→ 東區地下街 → 微風廣場 → 京華城 → 饒河街夜巿 → 東龍大飯店
朝早起身之後，就落去食自助早餐，我地無留意到佢個早餐時段到十點鐘，所以有少少趕，不過都幾好味喎！我地見到有一對香港人重遲，成 0950 先去到，結果佢地就攞左好多野食返埋自己張枱度，實行係自己張枱度食自助早餐 XD 我估佢地應該食唔哂 :P
食完早餐之後就返房休息下，之後浸多一次溫泉就 Check-Out，等左一陣就搭春天架專車去北投站。
之後就搭淡水線去台北車站再轉板南線去西門站。
出左西門站，我地跟住地圖，好快就搵到我地黎緊三日住既東龍大飯店啦！雖然都係早左一個鐘頭 Check-In，但係佢都可以即刻比到房我地，間房號碼係 309，雖然唔係住得好高，但係都唔錯丫！
放低行李 Settle Down 之後，我地就搭捷運去國父紀念館站展開我地既美食之旅。
我地首先到去台北一間著名既意大利粉餐廳 - Cello Pasta 食午餐，我地叫左一碟意大利粉同埋一杯 Iced Mocha，意粉味道普通而且有一點兒過辣，而 Iced Mocha 又無 Italian Tomato 咁好飲喎，有點名過其實之感‧
店名：Cello Pasta 騎樓義大利麵舖
地址：台北巿大安區光復南路260巷24號
|
|
|
ＰＰ評分：3.5
ＤＤ評分：4.0
平均評分：3.75 |
|
|
ＰＰ評分：3.0
ＤＤ評分：3.5
平均評分：3.25 |
之後我地就參觀國父紀念館，入館之前，我地係門口影左幾張 101 大樓既相 （因為我地唔會去既關係，而呢度又係影佢全相既好地點）
參觀左一陣，覺得無野好睇，影左幾張到此一遊相就走人啦！
之後就行去敦南誠品書店，雨又慢慢下起來，行左十幾分鐘先到達，搵左一陣先搵到書店果層，原來成座大廈只有一層係書店，餘下都係其他不同的商店，DD 第一時間就緊係去搵蛋糕同麵包既書，我地左幾本就坐左係地下度睇，睇睇下就成個鐘啦，不過最後都無買到書，因為諗住書局街一定會平過呢度麻 :P
出返去之後，雨巳經細左，可以係門口影返幾張相，佢重擺左個向左走向右走既廣告板係度 tim :)
之後，我地就行去度小月食野啦，搵左一陣，原來就係我地前面 XD 因為睇網友同旅行書講呢度賣既肉燥比黑橋牌貴 NT$20，所以無係呢度買，點知... （詳見第四天）
店名：度小月
地址：台北市忠孝東路四段170巷5弄26號
|
|
|
ＰＰ評分：3.5
ＤＤ評分：4.0
平均評分：3.75 |
|
|
ＰＰ評分：3.0
ＤＤ評分：3.5
平均評分：3.25 |
食完之後，我地就行去東區地下街繼續開餐。
首先我地去左 e99 買左一粒好細既牛角包黎試下。
店名：e99
地址：東區地下街店舖 33 號
|
|
|
ＰＰ評分：3.0
ＤＤ評分：3.5
平均評分：3.25 |
跟住就係對面既阿諾可麗餅（即係香港既 Q 餅）買左個好大既海鮮總匯可麗餅黎食，佢地既 Size 比香港果 D 大好多，經過我研究過，係因為佢地好多餡而且摺法亦都唔同，所以出黎既效果大塊好多，不過佢寫明唔準影相，無得影低佢個摺法！
店名：阿諾法式可麗餅
地址：東區地下街店舖 30-2 號
|
|
|
ＰＰ評分：4.0
ＤＤ評分：4.0
平均評分：4.0 |
食完可麗餅之後，我地就開始行東區地下街，其實呢條東區地下街係由忠孝敦化至忠孝復興，有唔同種類既商店，不過我地既目標都係食店，行到接近忠孝復興站時，我地就係堂本家泡芙蛋糕專賣店買左個泡芙食，原本本書介紹係芝士泡芙，但係去到無呢隻味喎，所以最後揀左朱古力味，好彩都幾好味。
店名：堂本家泡芙蛋糕專賣店
地址：東區地下街店舖 10-2 號
|
|
|
ＰＰ評分：4.0
ＤＤ評分：4.0
平均評分：4.0 |
食到飽一飽之後，我地就係跟住 ”下一站台北” 本書所講係忠孝復興站既 2 號出口尋找微風廣場既專車，點知搵左好耐好耐都搵唔到，所以決定放棄，行返去 5 號出口直接行過去微風廣場。
係我地去微風之前，DD 之前搵左一間烘焙用品專門店叫”向日葵烘焙DIY”，根據地圖係微風廣場斜對面，幾經辛苦，比我地發現左佢係一條小巷內，點知原來間舖頭好細，比香港果間二德惠還要細，而且價錢也不是十分便宜，所以 DD 都係空手而回。
之後，我地就行返過微風廣場，我地去左地庫既 Breeze Super 行左一陣，其實係一間勁抄 City Super 既超巿，不過入面既野又真係幾平喎，我地見有少少口喝，所以就買左兩盒飲品上樓上 Food Court 坐低飲，DD 要左統一既木瓜奶（原價 NT$30，特價 NT$20咋，超抵！），而我就求其要左盒檸檬茶。
飲完野之後，就去我地既目的地 － 六樓既 Hand Tailung，呢間係日本以外既唯一分店，我地係果度重買左好多野 tim，不過精明既我地竟然唔記得左用觀光護照入面既 Coupon !!!!!
買完野之後，我地就去左詢問處，用我地有限既國語問佢知唔知去京華城架生活巴士係邊度搭，果位姐姐好有耐性咁教我地搭，佢話佢都唔記得，但係佢就劃左地圖教我地，重畫左兩張 tim，勁好人，係香港我諗好難會有呢 D 咁好既服務啦！之後我地又問返佢微風廣場既專車係邊度搭，佢話巳經無左啦！當我地步出微風廣場一陣，就有一架京華城既生活巴士係我地面前經過，我地就係咁追，終於比我地追到 ^^
上車之後，突然下起好大好大既雨，我地落車想係門口影到此一遊相都唔得，入到去商場，由於時間巳經唔早，行左一陣之後，見無乜野行，所以就決定走人，我見咁大雨就話一係搭返生活巴士去捷運站，返到西門町先食野，但係 DD 知道我好想試饒河街觀光夜市既野食，所以就話一係搭的士過去啦，哈哈，我話好啦 ^^
去到的士站，司機巳經企左係度，我地用國語同佢講去饒河街夜巿，佢就笑笑口用廣東話同我地講，係咪去饒河街夜巿呀？我地有少少驚訝，以為台灣 D 的士司機咁勁，連廣東話都識講，上車之後先知道原來佢係過左台灣二十幾年既香港人, 我地見係自己人, 就不斷問佢野 (因為可以用廣東話 ^^)，我重問返佢點解之前搭的士會咁... 佢話有 D 的士司機見你係遊客就會屈你... 佢話叫我地記著: "無論幾時都只要照個咪錶比錢, 無論係早上定係夜晚 (23:00 - 06:00 係要加 20%), 因為佢話個錶巳經 Set 好左, 禁左面係正常收費, 禁右面係夜晚收費, 佢話叫我地睇清楚個司機禁邊面，重有如果遇到呢 D 屈錢司機, 可以搵酒店 D 人同佢講... 佢都同意我地講, NT$10 唔係好多錢，我比 Tips 一回事，明屈就係唔順氣..... 佢重同我地講... 試過有的士司機收一個旅客 NT$3000 由松山去台北 (1 個火車站之麻, NT$18 ^^)... 佢話台灣乜的士司機都有... 佢地既車隊叫”台灣大車隊”，D 車好新架，又先進喎，有一個顯示器，所有的士台既 Msg 都係果度出，唔駛講架，佢地既車隊重安哂 GPS, 的士台知道哂佢地既位置, 有人 Call 的士就會搵架最近既的士... 講講下，不經不覺巳經到達饒河街，只係 NT$75，本來想比 Tips 佢，但係又唔知比幾多，所以最後都無比到 :P 不過都好開心，遇到一個好司機 :D
到達饒河街觀光夜巿之後，雖然重落緊雨，好彩大部份攤檔都有開門，我地就繼續食食食啦 :D~~~
店名：卡里食品
地址：台北市松山區饒河街34號
|
|
|
ＰＰ評分：3.5
ＤＤ評分：3.5
平均評分：3.5 |
|
|
ＰＰ評分：4.0
ＤＤ評分：3.5
平均評分：3.75 |
店名：東發飲食店
地址：台北市松山區饒河街94號
|
|
|
ＰＰ評分：5
ＤＤ評分：4.5
平均評分：4.75 |
店名：陳董藥燉排骨
地址：台北市松山區饒河街156號
|
|
|
ＰＰ評分：3.5
ＤＤ評分：3.0
平均評分：3.25 |
店名：褔州世祖胡椒餅
地址：台北市松山區饒河街249號（近慈祐宮）
|
|
|
ＰＰ評分：4.0
ＤＤ評分：4.0
平均評分：4.0 |
食完之後，我地就行去松山火車站，買左兩張往台北車站既車票，就去搵月台啦，問左一個台灣人，佢好似都唔多肯定咁，不過最後都比我地搵到，而架車正正就係我預先係網上見到既自強號。雖然我地張票無劃位，但係見又有位喎，所以都照坐，好彩無坐到人地個位即 ^^
由松山去台北火車站只係一個站，大約七至八分鐘就到啦，之後我地就轉乘捷運，由台北車站搭返去西門站，再返酒店沖涼訓覺啦，因為明天要好早起身呀...
|
