2008 年 08 月 20 日
生日晚餐
去完見城，我地就去左吉吉島 Shopping 啦，因為是日為感謝日 XD
買左好多野，返屋企就整左餐韓式晚餐啦...
是日餐湯為日式南瓜湯...
主菜分別有韓式牛肉粉絲...
重有韓式炒年糕...
當然唔少得我最愛既甜品－「心太軟」 啦...
樣樣都咁好味，辛苦哂老婆大人啦 
此文件由 在 10:00 PM 刊登在 日記
見城日本料理
今日小弟生日，老婆帶左我去見城開餐，查實我之前都想帶佢黎，真係心靈相通喎 XD
地址：尖沙咀棉登徑30號地下
電話：2369-8307
前菜係茶碗蒸...D 蛋好滑喎...
至於主菜，老婆要鐵火丼連烏冬... 先黎一客烏冬，好滑好好味... 跟住再黎鐵火丼，一個字「正」...
而我就揀左自選壽司，有中拖羅、吞拿魚、bb 吞拿、油甘魚、甜蝦、池魚、海膽、海鰻同埋鐵火卷，中拖羅同海鰻都超掂，海膽第一口都覺得好正，即時令我諗返函館朝市，但味覺講比我聽還欠一點點... 不過響香港有呢個質素巳經 Very Good 啦... 同埋即使係普通既吞拿魚，呢度好明顯係用新鮮貨。
最後就黎甜品啦，我要綠茶雪糕而老婆就要咖啡...
食得好滿足，多謝老婆大人... ~~~
此文件由 在 08:00 PM 刊登在 美食