2008 年 08 月 15 日
3V 終於黎香港會展擺 Wedding Expo 啦...
各位朋友有興趣既話，記住約埋朋友仔一齊 Join~ 因為有團購優惠呀...
如果想益我既話，你地記住話「P 先生」 介紹喎 XD
此文件由 在 12:56 PM 刊登在 結婚記
2008 年 07 月 07 日
3V 介紹優惠
各位有意去 3V 影相既網友注意啦... 佢地有 Promotion，有舊客介紹就有野送... 所以如果你想 Join，想攞額外禮物就記住搵人介紹啦... 當然你可以話係小弟（P先生）介紹啦... 嘩哈哈哈哈哈...
不過記住留言話我知喎... 因為查實之前巳經好多人話係我介紹，不過果時無呢個 Promotion 既 ~o~
回饋服務
3V 即日起，增設真情回饋服務，此服務長期有效。
為感謝長期以來支持3V成長的新人與朋友，特設立此回饋服務。
1、老顧客成功介紹一對新人可獲贈（三者選其一）：
A.200元禮金卷（僅限租衫、買婚紗、禮服使用）
B.精致掌中寶相冊一本（21張照片入冊）
C.10寸彩晶一幅
D.7寸相冊一本（18張照片入冊）
2、一年內介紹5對新人成功預定，可獲贈免費拍攝價值2699元個人專輯一套。
內容為：A、拍攝數碼文件100張，全部送回存入CD-ROM
B、三套服裝拍攝，全程跟妝。
C、三次造型設計。
D、外景、內景拍攝。
E、12寸熱裱相冊一本（25張入冊）
3、被介紹客人也可獲贈精致掌中寶相冊一本（21張照片入冊）或者7寸相冊一本（18張照片入冊）
此文件由 在 09:59 AM 刊登在 結婚記
2008 年 04 月 13 日
香港外影
其實影左好耐，之前一直都無時間整理，呢排終於扚起心肝揀返 D 相出黎執~
特別鳴謝 John、Birdy 同埋 Raymond 三位攝影 C。
此文件由 在 12:01 AM 刊登在 結婚記
2008 年 01 月 16 日
結婚後記
結婚後就去左 Honeymoon，家下都係時候比下分數啦！
結婚日期： 2007-12-18
註冊場地 - 伊甸園 Hall 20
評分： 0 分
評語：
全間公司好似只有老細 Tina 比較上心，我地註冊時間明明係三點鐘，而且我地兩點半巳經到達，但係竟然話因為前一節遲左，要我地同賓客呆等二十分鐘，之後同我地講話跟住無人用，我地用 幾耐都可以，但係根據紀錄，原本 15:20 係有人預訂既，令我地懷疑佢將我地 15:00 果節比左人地，總之只可以話佢地係一間令人極度失望既公司。
婚宴場地 - 尖東好彩海鮮酒家
評分： 90 分
評語：
場地佈置同食物都令人滿意，Gigi 既服務態度一流，黃經理亦都好幫得手，特別要讚一下當天負責我地個場既戴曉東部長，每樣事都同我地既兄弟姊妹夾好哂，完全唔需要我地既操心。
MUA - KK Chan
評分： 85 分
評語：
個人好 nice，細心，轉妝快手，亦都化到想要既野，但比較難 contact，send email 好少覆，最後都要打電話先搵到佢！同埋無 final 試妝，會比較擔心，仲有佢化完最後一個妝就會走，唔會等到散席，呢幾樣就扣左少少分，但整體黎講都好滿意！
婚宴攝錄 - Amazing Grace (Ken & 四圍)
評分： 90 分
評語：
Ken 好識得攪氣氛，雖然講既野好行，但係親戚朋友都聽得好開心。
四圍拍片效果都算滿意，不過暫時只係攞左相，我覺得都算唔錯，阿 Ken 都幫我影左好多 Snapshot，不過有部份相執得太明顯...
至於 DVD 暫時未攞，所以好難比 comment。
值得一讚係即日剪片做得好好，我個人黎講非常滿意。
Van 仔 - 龔生
評分： 80 分
評語：
Van 仔新淨，司機有禮貌同主動幫手，而且唔需要比訂金，值得一讚，但係司機遲到五分鐘，所以扣左少少分。
婚妙相 - 3V
評分： 95 分
評語：
用兩位大師既汗水影出黎既相片，相信大家都有目共睹，服務一流，質素超卓，價錢超值。扣分既地方係相簿既部份，但係相信佢地現在巳經努力作出改善中。
無論如何，選擇 3V 影婚紗相，絶對係明智既選擇。
婚紗相 - 新天地
評分： 50 分
評語：
原本 mark 左阿 lam 影，但係影果日阿 lam 失踪，搵左個叫 Michael 既人幫我地影，態度勁串，又問我地點解搵阿 lam，係咪網上話佢好 D，又問點解要影菲林相，係咪人地話好 D，又黑面扮哂 cool，令人反感。
但係新天地其他既職員態度都好好，即使我地只係影 coupon 相無加相，佢地都唔會黑面，值得一讚。
租衫 - 名婚紗
評分： 100 分
評語：
KoKo 服務一流，由我地第一次上去，到最後一次去攞衫，都係好好人又幫手，婚紗、晚裝同禮服都好新好乾淨，因為我地 BD 之後果日就去 honeymoon，搵人幫我地去還衫都非常順利，絶對值得推介。
紅酒 - stc
評分： 100 分
評語：
紅酒平靚正，但係我地訂果隻酒太好賣，後尾再加酒巳經無貨，只可以買另一款紅酒。
絲花花球 - Irene
評分： 90 分
評語：
價錢實惠，有交帶！但只有網上相片睇，製成品可能會有出入！
真花花球&襟花 - jjmm
評分： 90 分
評語：
花球比想像中靚，Good~ D 花都好新鮮，個花球都 keep 到成日，不過 D 手花同襟花唔係太襟，好易爛！
姊姐裙 - 百利天麗
評分： 80 分
評語：
款式選擇幾多，價錢合理，老板娘都幾 nice，不過因為舖細客多，所以即使約左時間，都要等幾耐下。
此文件由 在 08:23 PM 刊登在 結婚記
2008 年 01 月 14 日
新天地
今日終於去拎左新天地既相啦，不過 D 相執得好差，好似重衰過無執咁，不過算啦，八十蚊響香港有十二張相又有油畫，都唔可以要求咁多架啦... 而且我地重有意外既收獲 tim...
此文件由 在 11:16 PM 刊登在 結婚記
2007 年 12 月 11 日
倒數七天
籌備多月的婚禮巳經進入最後一個星期既倒數階段，心情亦開始緊張起來，多謝各方好友的道賀及幫忙，我地會繼續努力架啦！
尋日去左 e-print 攞 Thank You Card，質數唔錯，但係客戶服務質數有待改善 ~o~
跟住去左名婚紗做 Final Fitting，人山人海，十二月真係好多人結婚呀...
最後我都租多左套銀灰色禮服，而媽咪亦都租多套晚裝... 唔該哂 KoKo 同好姐既熱情招待，希望佢地生意繼續蒸蒸日上！
再次誠意介紹比各位網友，名婚紗絕對係租婚紗禮服既平靚正首選 XD
今日放工之後就去左買白波鞋黎著白馬王子禮服，終於比我買到啦 
此文件由 在 07:04 PM 刊登在 結婚記
2007 年 11 月 21 日
3V 相簿
呢度就係我地響 3V 整既雜誌相簿，因為我地唔打算拎去酒樓，所以大家睇住 Soft Copy 先啦，又或者黎我地屋企拜年果時睇真野啦 
12吋相簿
15吋相簿
18吋相簿
此文件由 在 11:22 PM 刊登在 結婚記
2007 年 11 月 17 日
過大禮
今日係過大禮既大日子，唔該哂 Jimmy、湘湘同細佬幫我手抬野，雖然中途又塞車又迷路，但係都要感激你地既幫忙。
未來外父外母，真係唔好意思，要你地等我，希望你地鐘意我地送比你地既禮物啦！
此文件由 在 11:00 PM 刊登在 結婚記
